NGĀUE FAKATONULEA
Ko e kautaha ko eni, ko e TransNational, ‘oku ne fengāue’aki ‘i he fakatonulea′, pea mo e ngaahi kautaha fakapisinisi ‘iloa ‘i mamani, ‘o a’u ki he ngaahi lea kehekehe ‘e 24. ‘Oku laka hake he toko 1000 ‘a e ni’ihi kuo fakapapau’i ‘oku nau lava lelei ‘o fakahoko e ngāue ni pea ‘oku ‘i ai foki mo e toko 600 kehe, ‘oku nau hoko ko e kau fakatonulea ‘i he ngaahi mala’e kehekehe, ‘o fakatatau ki he ngaahi tu’unga ma’olunga, ‘oku faka’amu ki ai ‘a e pule’anga. ‘Oku mau taukei ‘aupito ‘i he tu’uaki, ‘a e ngaahi fakamatala fekau’aki mo e ako, takimamata, tu’unga ‘o e mo’ui, ngaahi me’a fakalao pea mo e ngaahi tu’utu’uni fakangāue fakapule’anga.
KO E NGAAHI FAKAMATALA FAKA’OFISIALE
‘Oku fakahoko foki ‘ e he kau mataotao ‘i he fakatonulea ‘a hono liliu pea mo vakai’i ‘a e ngaahi fakamatala hangē ko e ngaahi laiseni faka’uli faka’ofisiale, ngaahi tohi fakamo’oni ‘a e kau polisi, ngaahi tohi fakamo’oni ako mo e ngaahi me’a fakalao. Ko ‘emau fakatonulea ‘oku tali lelei ia pea ngāue’aki ‘e he ngaahi potungāue kotoa pe ‘a e Pulea’anga Nu’usila ni, ‘a ia ‘oku kau ai ‘a e NZQA, NZTA, WINZ, MPI, ‘Imikuleisini, Polisi, Kasitomu, Fakamaau’anga, Pilisone, mo e ngaahi potungāue kehe pe.
KAU FAKATONULEA
‘Oku fu’u taukei ‘aupito ‘a e kau fakatonulea ‘i he ngaahi mala’e kehekehe ‘o ngāue’aki ‘a e ngaahi lea kehekehe ‘e 24. Kuo teuteu’i foki ‘a e kau fakatonulea, ke nau fakamā’opo’opo ‘a e ngaahi me’a ‘oku fiema’u fakafetu’utaki pea ‘i he founga faka’apa’apa pea fakatatau foki ki he totonu ‘a e tangata. ‘Oku mau tokoni foki ‘aki ‘emau fakatonulea ‘i he ngaahi tapa kehekehe, ‘a ia ‘oku kau ai ‘a e ngāue fekau’aki mo e Polisi, Fakamaau’anga, Mo’ui, Ngaahi me’a fakalao, ngaahi ako he ngaahi ngāue’anga, faka’eke’eke, mo e ngaahi konifelenisi ‘o tatau ‘i he fakalotofonua pea mo e fakatu’apule’anga foki. ‘Oku ‘i ai foki ‘a ‘emau ngaahi naunau ‘a ia ‘oku ngāue’aki ki he fakatonulea ‘a ia ‘oku malava ke haea atu ki tu’a.
KAU TISAINI
Ko kinautolu ‘oku nau fakahoko ‘emau ngaahi tisaini, ‘oku nau lava ‘o ngāue’aki e ngaahi lea muli ‘e 2 pe lahi hake. ‘Oku nau lava lelei ke nau tokoni’i ‘i hono tohoaki’i atu e ni’ihi kehe, ‘o fakatatau ki ho’o faka’amu. ‘Oku ‘i ai foki mo ‘emau polokalama fakakomipiuta ki he ngaahi lea muli, ‘a ia ‘e malava ke tokoni atu kiate koe pea pehē ki he’amau ngaahi tokoni fakangāue kehe pē ‘a ia ‘oku ‘ikai temau ‘ofa fakamovetevete ia ka ‘i he wholesale pe.
TIMI NGĀUE
‘Oku kau ‘i he timi ngāue ni, ‘a e kakai ‘a ia ‘oku taukei mo’oni ‘i he fakatonulea, liliu lea pea mo hono tisaini ‘o ha fa’ahinga fakakaukau. ‘Oku mau tokanga’i makehe ‘a e ngāue kotoa pe ‘oku mau fakahoko. Ko ia ai, ko ‘emau ngāue, ‘oku pau pea ‘oku fakahoko ia ‘i he tu’unga ma’olunga ‘aupito pea fakapolofesinale ‘aupito ‘o fakatatau ki he ngaahi fiema’u he taimi kotoa pe. ‘Oku malava foki ke tau fengāue’aki ‘o ngāue’aki ‘a e komipiuta pe ko ho’omou a’u hake ki he ngaahi va’a ‘a ia ‘oku ‘i ‘Okalani, Hamilton, Tauranga, Rotorua, Wellington, Christchurch, Queenstown pea mo Dunedin.
