KAUKAUNAGA FAKALILIU KUPU
Ko te Transnational e fakatino e ki latou na kaukaunaga fakaliliukupu, mo nietahi o kamupani ma na pihinihi pito hili te takutakua i te lalolagi, i na gagana e 24. E ova i te toka 1,000 ia tino fakaliliutuhi kua akoakogia ma pahia, fakatahi ai ma na fakaliliukupu e 600 i loto o tenei kamupani, e galulue i loto o na mataeke fakapitoa, ke tāoga ma na taki lelei e taliagia i na nofonofoga a te malo. E fakapitoa a matou tautuaga i na fakahalalauga, na pepa fakamatalaga, akoakoga, na tino tafafao, ola malolo, tulafono ma na pōlihi a te malo.
FAKAMAUMAUGA ALOAKIA
Ko na fakamaumauga aloakia e ve ko na laihene kavetavale, kilia i te ofiha leoleo, tulaga tau akoakoga ma na fakamatalaga tau tulafono, e fakaliliu ma hiaki e na tino atamamai kua akoakogia. Ko a matou fakaliliuga e talia e na mataeke uma a te Malo o Niuhila, e aofia ai te NZQA, NZTA, WINZ, MPI, Femalagaakiga, Leoleo, Ofiha o Tiute, Fakamahinoga, Falepuipui ma ietahi.
FAKALILIUKUPU
Ko na fakaliliukupu ko ni tino kua matuai pahi ma akoakogia, ma kua lahi to latou poto mahani i loto o na mataeke kehekehe, e fakaaogā ai na gagana e 24. Ko na fakaliliukupu e akoakogia ke ki latou hohokoa te va o na fehokotakiga, ma e fakavae a latou galuega i luga o na alataki fakapitoa kua haunia. Ko ki matou e fehoahoani atu ki hō he vaega e aofia ai: fakaliliukupu ki Leoleo ma te Fakamahinoga, na hokotaga tau falemai ma te tulafono, koleniga mo na tomai i na falefaigaluega, ko na fakatalatalanoaga ma na fonotaga fakavaomalo i te atunuku katoa. E iei foki a matou meafaigaluega taukave e aogā mo na fonotaga, vena ma na puha fakatonutonu leo e aogā mo na fakaliliukupu, e mafai ke totogi ke fakaaogā ma fakapipiki e ki matou.
PELENI / KUPEGA / LOLOMI
Ko a matou tino peleni, ko ni tino e tautatala ma malamalama i te gagana e fakaliliu kiei. E ki latou iloa lelei lava na auala e gali ai te peleniga o na ata o tau pihinihi, ma atili tohina mai ai ia tagata. E maua ia te ki matou na polokalame ma na atamai tau tekonolohi o na gagana kehe, ie e manakomia ke fakatino ai au pepa fakamalamalama pe ko na kupega hokotaga, kae ke tāoga ma o manakoga. E i loto foki o a matou tautuaga na kaukaunaga tau lolomiga, e mafai ke maua i he tau taugofie.
KAUFAIGALUEGA MO HE GALUEGA
Ko a matou tino faigaluega ko ni “tino moni” e ve lava ko koe, ko ni tino e popoto i te fakaliliutuhi, fakaliliukupu ma peleni na kupega hokotaga. Ko na galuega takitahi uma e ki matou faia, e fakatāua uma lele e ki matou. Ko teia e takutino atu e ki matou, ka ki matou fakatinoa na galuega ienei ma hiaki maeaea ki te mea e gata mai ai te lelei, ke fakamalie ai na manakoga i tenei kaukaunaga. E mafai ke fehokotaki mai ki matou i luga o te kupega hokotaga, pe ahiahi ifo ki he lālā i Aukilani, Hemilitone, Tauraga, Lotolua, Niu Pilifi, Ueligitone, Kalaiehetete, Kuinihitauni ma Taniteni.
Vili te Numela Heai he Totogi: 0800 000 339
Na fakaliliuga aloakia mo na laihene kavetavale i na gagana e 24.
