TE AU PUTUPUTU’ANGA ‘ANGA’ANGA URI REO
Ē rave ana te putuputu’anga ‘anga’anga TransNational ē 24 au reo nō tēta’i ō te au īngoa tāpa’o ē te au ‘anga’anga mama’ata rongonui i roto i teianei-ao. Tere atu i te 1,000 tā mātou aronga uri reo tei sētīfāi’ia ē, e au aronga uri reo tei kuorifāi, ē pērā katoa ē 600 ō mātou au aronga uri reo tuatua, ē ‘anga’anga ana rātou ki roto i te au tūranga tekinikara tūkētūkē nō te rave’anga kia tupu te au tūranga tē ka āriki’ia ē te tūranga ō te kavamani. E ‘anga’anga ana mātou nō te etevatāisi’anga, nō te au puka tātā rikiriki, nō te āpi’i, nō te ‘anga’anga tūroto, nō te ‘anga’anga rapakau maki, nō te ture ē te pōlisī ā te kavamani.
TE AU TŌKIUMENE TEI AKAMANA’IA
Te au lāiseni tei akamana’ia nō te aronga aka’oro, te akakore akameitaki’anga ā te akavā, te kuorifikeisini ē te au tōkiumene tei akamana’ia ē tei uri’ia ma te akatinamou’ia ē te aronga kite pakari ma’ata. Kua āriki’ia tā mātou au uri’anga ē te kātoatoa ō te au tipātimani kavamani ō te Kavamani Nū Tīrēni, ē pērā katoa, ē te NZQA, ē te NZTA, ē te WINZ, ē te MPI, te Immigration, te Akavā, te au Customs, te au Pi’a Akavā’anga, ē te Corrections ma tēta’i katoa mai au mea.
URI’ANGA TUATUA
E kite ma’ata tō te aronga poroferēsinara uri reo tuatua nō te au tūranga ma’ata ō te au reo ē 24. Kua terēni’ia te aronga uri reo tuatua kia ātui kāpiti i te vā ō te tuatua’anga ma te ‘anga’anga nā roto i te tūranga kōutu tau meitaki. E tauturu ana mātou i te au ngā’i kātoatoa, mei tērā ra ē: te uri’anga tuatua ā te Akavā ē tā te Pi’a Akavā’anga, te uriuri manako’anga nō tēta’i au tūranga ō te rapakau’anga ē te akamana’anga, nō te terēni’anga nō te au ngā’i ‘anga’anga, nō te au interview ē te au uipā’anga mama’ata ō tō teianei-ao takapini i te pātireia. E au apinga katoa tā mātou nō te au uipā’anga mama’ata ē pērā katoa te au apinga ISO-rated tangi uri reo tuatua tē ka rauka i te hāea’ia ma te ma’ani kia tinamou.
AKANO’O’ANGA / RORO ŪIRA / TĀTĀ NENE’I’ANGA
Kō tō mātou aronga akano’o, ē rua ā rātou reo manu’iri ē tuatua ana. Kua kite meitaki tikāi rātou i te mea tau kia rave’ia ē tupu ei te manuia ma’ata nō tā’au tūranga ākara’anga apinga tē ka aka-āriu mai i tā’au aronga i anoano. Tei ia mātou te tūranga kite ō te reo manu’iri nō te au apinga marū ua ē pērā katoa te kite tekinikara nō te rave’anga i tā’au puka akakitekite, mē kore ra, tā’au roro ūira ātuitui, kia ‘anga’anga ki tā’au i anoano. Ka ōronga katoa atu mātou i te ma’ata’anga ō te au tūranga ‘anga’anga tātā nene’i’anga nā roto i te tūranga wholesale.
TE PUPU Ō TE PROJECT
Mei iā koe rāi, e au “aronga tinamou tikāi” tō mātou pupu, e au aronga uri reo kite ma’ata, e au aronga uri reo tuatua ē te torō akano’o. E akariro ana mātou i te au project tātakita’i ē, e ‘anga’anga pu’apinga ma’ata tūkē ua ake rāi. Nō tē reira tē kā tupu, ka akatinamou mātou i te ōronga atu i te tūranga teitei, tei ākara akatinamou meitaki ia tikāi nō te tūranga ‘anga’anga poroferēsinara, tei ma’ani’ia ki tā’au i mataora i te āriki i te au ati’anga tātākita’i. Ka rauka iā koe i te ‘anga’anga mai kia mātou nā runga i te roro ūira ātuitui, mē kore ra, ātoro’ia atu tēta’i manga ō teia i Ākarāna, i Hamilton, i Tauranga, i Rotorua, i New Plymouth, i Wellington, i Christchurch, i Queenstown, ē Dunedin.
Nūmero Kāpiki’anga Mamao Ma Te Kore e Tūtaki: 0800 000 339
Te uri’anga ō te Lāīseni ō Te Tangata Akaoro ki roto i te au reo tūkētūkē ē 24.
